Во всех православных храмах Украины будут молиться за онкобольных детей (текст молитвы)
13 февраля. ПРАВМИР. Во всех храмах и монастырях Украинской Православной Церкви по благословению Митрополита Киевского Онуфрия 15 февраля будут молиться о здоровье онкобольных детей. Об этом сообщается на сайте УПЦ.
Соответствующие циркуляры направлены Киевской Митрополией во все епархии Украинской Церкви.
15 февраля — Международный день онкобольного ребенка, учрежденный в 2001 году по инициативе Всемирной конфедерации родителей детей, больных раком.
Дополнительные прошения на ектении
Врачу́ душ и теле́с, со умиле́нием в се́рдце сокруше́нном к Тебе́ припа́даем, и стеня́ще, вопие́м Ти: исцели́ боле́зни, уврачу́й стра́сти душ и теле́с рабо́в твои́х, младе́нец и отроко́в (и́мя рек) лю́тою боле́знию стра́ждущих: и ско́ро сих воздви́гни от одра́ боле́зни, мо́лим Ти ся, услы́ши и поми́луй.
Ми́лостиве Го́споди, пощади́ и поми́луй рабо́в Твои́х, младе́нцев и отроко́в (и́мя рек) запрети́ боле́зни, отста́ви вси стра́сти и весь неду́г, и простри́ кре́пкую твою́ ру́ку, и я́коже Иаи́рову дщерь от одра́ боле́зни воздви́гни, и здра́вых сотвори́, мо́лим Ти ся, услы́ши и поми́луй.
Езеки́ины сле́зы, Манаси́ино и ниневи́тян покая́ние, и Дави́дово испове́дание прие́мый и ско́ро тех поми́ловавый: и на́ша во умиле́нии приноси́мыя Ти мольбы́ приими́, Всеблаги́й Царю́, и я́ко Щедр поми́луй лю́те боля́щих рабо́в Твои́х, младе́нцев и отроко́в (и́мя рек) здра́вие им да́руя, со слеза́ми мо́лимтися, Исто́чниче жи́зни и безсме́ртия, услы́ши и ско́ро поми́луй.
Молитва
Влады́ко Вседержи́телю, Святы́й Царю́, наказу́яй и не умерщвля́яй, утвержда́яй ниспа́дающыя, и возводя́й низве́рженныя, теле́сныя челове́ков ско́рби исправля́яй! Мо́лимся Тебе́, Бо́же наш, рабо́в Твои́х, младе́нцев и отроко́в (и́мя рек) лю́тою боле́знию немощству́ющих, посети́ ми́лостию Твое́ю. Ей, Го́споди, враче́бную Твою́ си́лу с небесе́ низпосли́, прикосни́ся телеси́, угаси́ огне́вицу, укроти́ страсть и вся́кую не́мощь тая́щуюся: бу́ди врач рабо́в Твои́х, воздви́гни я от одра́ боле́зненнаго и от ло́жа озлобле́ния це́лых и всесоверше́нных, да́руй их Це́ркви Твое́й благоугожда́ющих и творя́щих во́лю Твою́. Твое́ бо есть, е́же ми́ловати и спаса́ти ны, Бо́же наш, и Тебе́ сла́ву возсыла́ем, Отцу́ и Сы́ну и Свято́му Ду́ху, ны́не и при́сно, и во ве́ки веко́в. Ами́нь.
