Православный календарь на 3 мая 2021 года




Тропарь, глас 5: Христос воскресе из мертвых,/ смертию смерть поправ // и сущим во гробех живот даровав. (Трижды) Кондак, глас 8: Аще и во гроб снизшел еси, Безсмертне,/ но адову разрушил еси силу/ и воскресл еси, яко Победитель, Христе Боже,/ женам мироносицам вещавый: радуйтеся!/ и Твоим апостолом мир даруяй, // падшим подаяй воскресение. Тропарь блаженной Матроны, глас 2: Богом умудренную блаженную старицу Матрону,/ земли Тульския процветение/ и града Москвы преславное украшение,/ восхвалим днесь, вернии./ Сия бо, света дневнаго не познавши,/ светом Христовым просветися/ и даром прозрения и исцеления обогатися./ Пресельница же и странница на земли бывши,/ ныне в чертозех Небесных Престолу Божию предстоит // и молится о душах наших. Кондак блаженной Матроны, глас 7: К служению Христову/ от чрева матерня предызбранная,/ праведная Матроно,/ стезею скорбей и печалей шествующи,/ твердую веру и благочестие явивши,/ Богу угодила еси./ Темже, почитающе память твою, молим тя:/ помози и нам в любви Божии пребывати, // старице блаженная. Величание: Величаем тя,/ святая праведная старице Матроно,/ и чтим святую память твою,/ ты бо молиши о нас // Христа, Бога нашего. Часы Святой Пасхи Воскресение Христово видевше,/ поклонимся Святому Господу Иисусу,/ Единому Безгрешному,/ Кресту Твоему покланяемся, Христе,/ и Святое Воскресение Твое поем и славим:/ Ты бо еси Бог наш,/ разве Тебе иного не знаем,/ имя Твое именуем./ Приидите, вси вернии,/ поклонимся Святому Христову Воскресению:/ се бо прииде Крестом радость всему миру./ Всегда благословяще Господа,/ поем Воскресение Его:/ распятие бо претерпев, // смертию смерть разруши. (Трижды) Ипакои, глас 4: Предварившия утро, яже о Марии,/ и обретшия камень отвален от гроба,/ слышаху от Ангела: во свете присносущнем Сущаго/ с мертвыми что ищете, яко человека?/ Видите гробныя пелены, тецыте и миру проповедите,/ яко воста Господь, умертвивый смерть, // яко есть Сын Бога, спасающаго род человеческий. Во гробе плотски, во аде же с душею, яко Бог,/ в раи же с разбойником, и на Престоле был еси, Христе, со Отцем и Духом, // вся исполняяй, Неописанный. Слава Отцу и Сыну и Святому Духу. Яко живоносец, яко рая краснейший,/ воистину и чертога всякаго царскаго показася светлейший, Христе, гроб Твой, // источник нашего воскресения. И ныне и присно и во веки веков. Аминь. Вышняго освященное Божественное селение, радуйся,/ Тобою бо дадеся радость, Богородице, зовущим: // благословенна Ты в женах еси, Всенепорочная Владычице. Господи, помилуй. (40 раз) Слава Отцу и Сыну и Святому Духу, // и ныне и присно и во веки веков. Аминь. Честнейшую Херувим/ и славнейшую без сравнения Серафим,/ без истления Бога Слова рождшую, // сущую Богородицу Тя величаем. Христос воскресе из мертвых,/ смертию смерть поправ // и сущим во гробех живот даровав. (Трижды) В понедельник на вечерне cтихира, глас 3: Страстию Твоею, Христе,/ омрачивый солнце,/ и светом Твоего Воскресения/ просветивый всяческая, // приими нашу вечернюю песнь, Человеколюбче.

Иногда наше сердце больно ранит неверие мира сего, забвение Божиих заповедей, нечувствительность даже к таким великим событиям, как Воскресение Христово. Ведь многие веселятся даже в Страстную пятницу, не ведая, что творят. И конечно, у верующих людей сердце надрывается, когда они видят своих соотечественников, которые даже в эти святые дни не могут удержаться от участия в том, что никак не соответствует настроению огромного количества людей… Это ранит верующих людей. Но ведь ничего нового не происходит: в самый день Воскресения одни видели Воскресшего и уверовали, а другие оклеветали Воскресение; одни встретили Его с радостью и поклонились Ему на горе в Галилее, а другие усомнились.

Богослужебные указания


Февраль 2014